Што носи WhatsApp Plus?
Новата опција се наоѓа во подесувањата на апликацијата во рамките на менито „Претплати“, а плаќањето се врши преку App Store на Apple. На корисниците ќе им биде достапен и седумдневен бесплатен пробен период. Акцентот на претплатата не е на новите начини на комуникација, туку на визуелните прилагодувања и дополнителните практични опции.
- Визуелно прилагодување: Претплатниците ќе можат да избираат помеѓу 18 бои за интерфејсот и 14 различни икони на апликацијата за да го прилагодат изгледот на WhatsApp по свој вкус.
- Ексклузивни содржини: Пакетот вклучува и ексклузивни анимирани налепници (стикери) преку цел екран, кои ќе бидат видливи и за корисниците кои немаат претплата.
- Нови звуци: Додадени се десет нови мелодии за ѕвонење, како и можност за поставување на исти известувања за цели групи за разговор.
- Поголема практичност: Една од покорисните иновации е можноста за трајно закачување (pin) на дури до 20 разговори на врвот на листата, наместо претходните три.
Основните функции остануваат бесплатни
Од WhatsApp нагласуваат дека основните функции, како што се испраќањето пораки, повиците и безбедносните опции, и понатаму ќе останат бесплатни за сите корисници.
Најава за реклами: Meta, сопственикот на WhatsApp, исто така планира да воведе огласи во рамките на апликацијата. Тие нема да се прикажуваат во приватните разговори, туку во табот „Новости“ (Updates).
Сè уште не е познато дали претплатата на WhatsApp Plus ќе овозможи отстранување на овие огласи во иднина. Моментално, корисниците на iOS верзијата 26.17.74 имаат пристап до новата опција, а се очекува таа да стане достапна за сите во наредните недели.
Извор: bizlife.rs
